თბილისის სახელმწიფო უნივერსიტეტის თანასწორობის კლუბი

თსუ-ს თანასწორობის კლუბი 2022 წლის 21 მაისიდან ფუნქციონირებს. წარდგენითი ღონისძიების შემდეგ დაიწყო დაინტერესებული სტუდენტების რეგისტრაცია კლუბის წევრთა რიგებში.

თბილისის სახელმწიფო უნივერსიტეტის თანასწორობის კლუბმა განახორციელა 8 აქტივობა და დაფუძნებიდან დღემდე გააერთიანა 122 წევრი.

პროექტები

ტრენინგი- დისკრიმინაცია შრომით ურთიერთობებში და დასაქმებულის უფლებათა დაცვა

3-11 ნოემბერი, 2022 წელი

კამპანია #ALLFORYOUTH ფარგლებში ასოციაციის ოთხივე საუნივერსიტეტო კლუბში ჩატარდა ტრენინგი თემაზე - „დისკრიმინაცია შრომით ურთიერთობებში და დასაქმებულის უფლებათა დაცვა“.

სესია თემაზე „არა კი-ს არ ნიშნავს“

16 ნოემბერი, 2022 წელი

კამპანია #ALLFORYOUTH ფარგლებში ასოციაციის ოთხივე საუნივერსიტეტო კლუბში ჩატარდა სესიები თემაზე „არა კი-ს არ ნიშნავს“ რომელიც ძალადობის ფარული ფორმების განხილვას მოიაზრებდა. ახალგაზრდები გაეცნენ ძალადობის სხვადასხვა სახეებსა და მათი გამოვლენის ფორმებს

კინოჩვენება- 6-20 დეკემბერი, 2022 წელი

კამპანია #ALLFORYOUTH ფარგლებში ასოციაციის ოთხივე საუნივერსიტეტო კლუბში წარიმართა დისკრიმინაციის ამსახველი ფილმების ჩვენება, რომელსაც ბოლოს დარგის ექსპერტებთან ერთად დისკუსია მოჰყვებოდა.

შეხვედრა ქალ მეღვინესთან

13 აპრილი, 2023 წელი

შეხვედრა ჩატარდა Ia’s Wines-ს დამფუძნებელთან, რომელმაც გაგვიზიარა თუ როგორია წარმართო ბიზნესი საპირისპირო სქესით დომინირებულ სფეროში. ამასთან, გვიამბო მეღვინეობის იდეის დაბადებისა და განვითარების ისტორია.

მამაკაცები ხელსაქმეში ქართული კერამიკა

11 აპრილი, 2023 წელი

წარიმართა ქართული კერამიკის მასტერკლასი თელავში არსებულ ობიექტში სახელწოდებით „კერა“. სპიკერთან ერთად განვიხილეთ ხელობის ისტორია და პოტენციალი.

საქართველო - სომხეთი: დამკვიდრებული სტერეოტიპები

სესია „შიში შფოთვა და დეპრესია“

სესია „იქნებ მე ვარ მიზეზი?“

საჯარო ლექცია "დაინახე, ამოიცანი, იმოქმედე!"

საჯარო ლექცია "Women-Aid : მსხვერპლის გზა"

''გაიგე მეტი შენს ენაზე"

დიდი ცვლილებები საზოგადოების დამოკიდებულებაში აშკარაა, თუმცა ჯერ კიდევ ბევრია გასაკეთებელი იმისთვის, რომ ქართველებმა შშმ პირები ქველმოქმედების ობიექტებად აღარ აღიქვან და სრულად გააცნობიერონ, რომ ისინი სრულუფლებიანი მოქალაქეები არიან, რომლებიც განათლებაზე, დასაქმებასა და საზოგადოებრივ ცხოვრებაზე თანაბარ წვდომას იმსახურებენ. ამ საკითხებზე თსუ-ს თანასწორობის კლუბში ეკატერინე დგებუაძემ ისაუბრა.

8 ოქტომბერს თსუ-ს თანასწორობის კლუბის ორგანიზებით გაიმართა საჯარო სესია თემაზე “დაინახე, ამოიცანი, იმოქმედე!” შეხვედრას გაუძღვა თბილისის კრიზისული ცენტრის ფსიქოლოგი, ნეირომეცნიერების დოქტორი - ნინა გოგოხია. სესიის მიზანი იყო ახალგაზრდებს გაეგოთ თუ როგორ შეიძლება სხეულის ენით დისკრიმინაციის მსხვერპლთა აღმოჩენა. ინტერაქციის შედეგად სტუდენტებმა: აიმაღლეს ცნობიერება სხეულის ენის შესახებ; იმსჯელეს, თუ რა არის კონგრუენტული კომუნიკაცია; მონაწილეობა მიიღეს თვალებით გაღიმების მასტერკლასში.

საჯარო ლექციას "საქართველო - სომხეთი: დამკვიდრებული სტერეოტიპები" გაუძღვა საერთაშორისო ურთიერთობების სპეციალისტი, საქართველოს სომხური სათემო პლატფორმის თავმჯდომარე, 2017-2018 წლებში გაეროში საქართველოს ახალგაზრდობის წარმომადგენელი გიორგი ტუმასიანი.

შეხვედრის მიზანი სტუდენტებში ცნობიერების ამაღლება და პოსტ-საბჭოთა გავლენით დამახინჯებული ისტორიული ცნობების გამოაშკარავება/დანგრევა იყო.

საჯარო ლექციათა სერიას: „შიში, შფოთვა და დეპრესია" ოთხი შეხვედრის სახით წარიმართა, მათი მეშვეობით ახალგაზრდები გაეცნენ ინფორმაციას ფართოდ გავრცელებული მენტალური ჯანმრთელობის პრობლემების შესახებ, მათი იდენტიფიცირების გზებსა და გამოხატულებებს. სტუდენტებმა სპიკერთან, ნონა ხიდეშელთან ერთად ინტერაქციულ რეჟიმში განიხილეს შემდეგ საკითხები: GEN-Z თაობაში მენტალური ჯანმრთელობის პრობლემების გამომწვევი მიზეზები; შფოთვისა და დეპრესიის სიმპტომები, გამოვლენის ფორმები, გავრცელებული მითები; რჩევები საკუთარი ემოციური მდგომარეობის შეფასებისათვის.

სტუდენტების ცნობიერების ამაღლების მიზნით ეთნიკურ უმცირესობათა უფლებრივი მდომარეობისა და მსხვერპლ ქალთა დაცვის მექანიზმების შესახებ ჩატარდა საჯარო ლექცია. სესიის პირველ ნაწილს გაუძღვნენ თბილისის ადამიანით ვაჭრობის/ტრეფიკინგის და ძალადობის მსხვერპლთა მომსახურების დაწესებულების კრიზისული ცენტრის წარმომადგენლები. მეორე ნაწილში კი ისაუბრა თოზუ გულმამედლიმ - ეთნიკური უმცირესობების/ქალთა უფლებათა დამცველმა.

ქართული ენის ფესვებში არსებული კულტურული ნიუანსების შესახებ ცოდნის გაღრმავებისა და ქართულ ენაში არსებული დისკრიმინაციული კომპონენტების, სიტყვებისა და ნიშნების აღმოჩენის მიზნით ფილოლოგიის მეცნიერებათა დოქტორთან, ინგა სანიკიძესთან, ერთად ჩატარდა საჯარო ლექცია “გაიგე მეტი შენ ენაზე”.

თბილისის სახელმწიფო უნივერსიტეტის თანასწორობის კლუბი

პროექტები

კონტაქტი